အယုံလွယ်တဲ့_မိန်းခလေးတွေ_ဖတ်သင့်တဲ့_ပုံပြင်…

…

MustRead.......

- တစ်ခါက ကောင်မလေးတစ်ယောက်
သူ့အဘွားအိမ် သွားဖို့ဆိုပြီး တောင်တက်လမ်းအတိုင်း
လျှောက်လာနေတုန်း ရှောကနဲ အသံကြားတော့
ငုံ့ကြည့်လိုက်တယ်… ခြေထောက်နားမှာ မြွေတစ်ကောင်...

- မြွေက ခလောက်ဆွဲမြွေအမျိုးအစား
- အဲ့ဒီအချိန်မှာ ကောင်မလေးက ဘာမှမလုပ်ရသေးခင်
မြွေက ကောင်မလေးကိုပြောပါတယ်...

- သူသေရတော့မယ် ထင်တယ်တဲ့.!
- သူအရမ်းလည်း ချမ်းနေတယ်တဲ့.!
- ဒီနေရာမှာ အရမ်းအေးတာပဲတဲ့.!
- အခုထိ ဘာမှလည်း မစားရသေးဘူးတဲ့.!
- ဖြစ်နိုင်ရင် သူ့ကို ကောင်မလေးရဲ့ အင်္ကျီထဲထည့်ပြီး
ကောင်မလေးနဲ့ အတူ ခေါ်သွားပါလားတဲ့ လုပ်ရော...!

- ကောင်မလေးက ပြန်ပြောတယ်.!
- မဖြစ်ဘူး…မဖြစ်ဘူး...
နင်ဘာမြွေလဲဆိုတာ ငါသိတယ်.!
- နင်က ခလောက်ဆွဲမြွေ...
- ငါ နင့်ကို ခေါ်သွားရင်
နင် ငါ့ကိုကိုက်မှာ...နင်က အဆိပ်ပြင်းတယ်...!

- မြွေက ကောင်မလေးပြောတာကို လက်မခံဘူး
မကိုက်ဘူး...မကိုက်ဘူး...စိတ်ချ..!
- နင်သာ ငါ့ကိုကူညီရင်...ငါဟာ နင့်သူငယ်ချင်းကောင်းပဲ
နင့်ကိုငါ ကောင်းကောင်းမွန်မွန် တကယ်ဆက်ဆံမှာ...!

- မြွေက ဒီလိုပြောလာတော့ ကောင်မလေး တွေသွားတယ်.!
-ပြီးတော့ မြွေကိုကြည့်တယ် မြွေက လှလိုက်တာ
- သူ့အကွက်လေးတွေက ပန်းချီကားတစ်ချပ်လိုပဲ
ငါမြင်ဖူးသမျှ မြွေတွေထဲမှာ သူအလှဆုံးပဲ...!

- ကောင်မလေး ချက်ချင်းပဲ ဆုံးဖြတ်လိုက်တယ်.!
- ကောင်းပြီ နင့်ကို ငါယုံတယ်...နင့်ကို ငါကယ်မယ်.!
- ဘယ်လိုသက်ရှိသတ္တဝါမဆို ကြင်နာမှုနဲ့
ထိုက်တန်တယ်ဆိုတာ ငါလက်ခံတယ်...!

-ပြောပြောဆိုဆိုနဲ့ ကောင်မလေးက မြွေကို
ညင်ညင်သာသာနဲ့ ယူပြီး အင်္ကျီအောက်ထဲထည့်လို့
သူ့အဘွားအိမ်ကို ဆက်ထွက်လာခဲ့တယ်...!

- လျှောက်လာရင်း...လျှောက်လာရင်းနဲ့
ကောင်မလေး ပြင်းထန်တဲ့ နာကျင်မှုတစ်ခုကို
ခံစားလိုက်ရတယ်...
- မြွေက သူ့ကို ကိုက်လိုက်ပါပြီ...!!

- ကောင်မလေးငိုတယ်...နောင်တရတယ်
နင် ငါ့ကို ဘယ်လိုလုပ်လိုက်တာလဲ…??
- နင်ပြောတော့ မကိုက်ဘူးဆို...ငါ နင့်ကို ယုံခဲ့တယ်လေ...!

- မြွေက တစ်ခွန်းပဲပြန်ပြောပါတယ်.!
- နင် ငါ့ကို ခေါ်သွားဖို့ ဆုံးဖြတ်ကတည်းက
ငါဘယ်လိုအမျိုးအစားလဲဆိုတာ နင်သိပြီးသားပဲ…
- မတတ်နိုင်ဘူးလေ...နင့်ထိုက်နဲ့ နင့်ကံပေါ့
- ဒီလိုပြောပြီး အမြီးလေးကို ခလောက်လို့
တွန့်တွန့်တွန့်တွန့်နဲ့ ထွက်သွားပါတော့တယ်...!

- ပုံပြင်လေးကတော့ ဒါပါပဲ!!!
- ပုံပြင်ထဲက မြွေလို ကျက်သရေတုံးတဲ့
လူဆိုတာတွေကို ကျနော်တို့ အတော်များများ
ကိုယ့်ပတ်ဝန်းကျင်မှာ ကြုံဖူးမယ်ထင်ပါတယ်...

- တချို့လူတွေက စေတနာနဲ့ မတန်ပါဘူး.!
- တချို့လူတွေက သွားသနားလို့ မရပါဘူး.!
- တချို့လူတွေက လျှာနှစ်ခွနဲ့ ခုနက မြွေလိုပါပဲ.!
- တချို့လူတွေက ခွေးမြီးကောက် ကျည်တောက်စွပ်တွေပါ.!
- တချို့လူတွေက ခုတစ်မျိုး တော်ကြာတစ်မျိုးပါပဲ.!
- တချို့လူတွေက အယုံသွင်းပြီးမှ ယုတ်မာတတ်ပါတယ်.!
- တချို့လူတွေက မူယာမာယာသိပ်များပါတယ်.!
- တချို့လူတွေက ကူလီကူမာသိပ်ကျွမ်းပါတယ်.!

- နောက်ပြီး သနားကမားရုပ်နဲ့ မျက်ရည်ခံထိုးတိုင်း
သနားစရာမကောင်းဘူးဆိုတာကိုလည်း
ခေါင်းထဲထည့်ထားပါ..!

- အပေါ်ယံရွှေမှုံကြဲထားတဲ့ မျက်နှာစာတွေနဲ့လည်း
သူတို့ရဲ့အတွင်းစိတ်တွေကို
ခဏတာအားဖြင့် ပြည်ဖုံးကာ ချထားလို့ရတယ် ဆိုတာကိုလည်း စွဲမှတ်ထားပါ..!

- တချို့(တချို့) သော သူတွေဟာ
ဘယ်လိုသနားကြင်နာမှုမျိုး...စေတနာထားမှုမျိုး…ယုံကြည်မှုမျိုး...ကိုယ်ချင်းစာမှု့မျိုးနဲ့မှ မထိုက်တန်ဘူးဆိုတာကို နားလည်ထားလိုက်ပါ.!

- တချို့(တချို့) လို့ သေချာရေးထားတယ်နော်
အကုန်လုံးကို မဆိုလိုဘူး.!

ပုံပြင်များ

CreditWaiPhyoMaung

Comments

Post a Comment

Popular posts from this blog

စေတနာကောင်းလွန်းလို့ ဒါနဖြစ်တယ်

ဘယ်သူပဲဖြစ်ဖြစ် ဘဝကို ဆင်းဆင်း ရဲရဲနဲ့ မကျော်ဖြတ် ချင်ကြပါဘူး။ ပြည့်ပြည့်စုံ စုံ၊ ချမ်းချမ်းသာသာနဲ့ ဘဝကို ကျော်ဖြတ်ချင် ကြတဲ့သူတွေချည်းပါပဲ။ ဒါပေမဲ့ ဒါဟာလည်းလူတိုင်းတော့ မဖြစ်နိုင်ပါဘူး။ ဒါနကုသိုလ်ပါ တဲ့သူတွေ လောက်သာ ဖြစ်နိုင်ကြတာပါ။ ဒါကြောင့် မြတ်စွာဘုရားရှင်က ဘဝကို ချမ်းချမ်းသာသာ ပြည့်ပြည့်စုံစုံနဲ့ ကျော်ဖြတ် သွားရအောင်ရဟန်းရော၊လူပုဂ္ဂိုလ်တွေပါ ဒါန ပြုဖို့ လိုတယ်လို့ ဟောကြားတော်မူခဲ့တာပါ။ ဒါနဆိုတာက မိမိလက်ထဲမှာရှိနေတဲ့ ပစ္စည်းဥစ္စာကို သူတစ်ပါး လက်ထဲ ထည့်ပေး လိုက်တာ၊ စွန့်ကြဲလိုက်တာကို ဒါနလို့ခေါ်ဆို ရတာပါ။ ကူညီတယ်၊ ထောက်ပံ့တယ်၊ ပံ့ပိုးတယ်၊ ပရဟိတလုပ်တယ် ဆိုတာတွေဟာ စကားလုံးအရ ကွဲနေတာပါ။ သဘောသက် ရောက်မှုကတော့ အတူတူပါပဲ။ ဒီတော့ဒါနတစ်ခုဖြစ်ဖို့အတွက် ဘာတွေ လိုအပ်သလဲ ဆိုရင် စေတနာ ရယ်၊ အလှူခံ ပစ္စည်းဝတ္ထုရယ်၊ အလှူခံပုဂ္ဂိုလ်ရယ်ဆိုပြီး တော့ အင်္ဂါသုံးမျိုးပြည့်စုံ နေရပါမယ်။ အလှူခံ ပုဂ္ဂိုလ်ဆို တာကတော့ တစ်ကျိပ်လေး(၁၄) ယောက်တောင်ရှိနေတာဆိုတော့ရှာရမ ခက်ပါ။ ......... အလှူခံပုဂ္ဂိုလ်ဆိုတာကတော့- ”၁။တိရစ္ဆာန်၂၊သီလမရှိသူပုထုဇဉ် ၃။သီလ ရှိသူပုထုဇဉ် ၄။စျာန်ရရသေ့ ၅။သောတာ ပန်ဖြစ်အောင်ကျင့်နေသူ ၆။သေ...
Read more

အဖိုးတန်လှပတဲ့ ပုလဲ

ဟိုးရှေးရှေးတုန်းက ကမာကောင်မွေးသူတစ်ယောက်ဟာ အလှဆုံး အကြီးဆုံး ပုလဲတစ်လုံးပျိုးဖို့ စိတ်ကူးလိုက်တယ်။ ဒါကြောင့် သူဟာ ပင်လယ်ကမ်းစပ်သွားပြီး သဲရွေးခဲ့တယ်။ သဲတစ်ပွင့်ရွေးတိုင်း သဲတွေကို ပုလဲဖြစ်ချင်၊ မဖြစ်ချင် သူမေးခဲ့တယ်။ အမေးခံရတဲ့ သဲတိုင်းက ပုလဲမဖြစ်ချင်ကြောင်း ခေါင်းခါငြင်းဆန်ကြတယ်။ ကမာကောင်မွေးသူဟာ မနက်ကနေ ညနေအထိရွေးခဲ့ပေမယ့် ပုလဲဖြစ်ချင်တဲ့သဲတစ်ပွင့်တောင် မတွေ့ခဲ့ဘူး။ သူ မျှော်လင့်ချက်မဲ့နေချိန်မှာ သဲတစ်ပွင့်က ပုလဲဖြစ်ချင်တယ်လို့ဆိုလာတယ်။ ပုလဲဖြစ်ချင်တဲ့သဲပွင့်ကို ဘေးက ကျန်တဲ့သဲတွေက လှောင်ရယ်ကြတယ်။ သဲပွင့်ကို တုံး,အတယ်၊ ဆွေမျိုးအပေါင်းအသင်းကို ခွဲပြီး ကမာကောင်ဝမ်းထဲဝင်တယ်၊ နေမမြင် လမမြင်၊ စိုထိုင်းထိုင်းနဲ့ လေဝဝ မရှုရသလို မှောင်မည်းမည်း၊ အေးစက်စက်၊ တစ်ယောက်တည်း အထီးကျန်ရတယ်၊ သွားနေဖို့မထိုက်ဘူးလို့ ဝိုင်းရယ်ကြတယ်။ အပေါင်းအသင်းတွေ ဘယ်လိုပဲ လှောင်ရယ် လှောင်ရယ် သဲပွင့်ဟာ နောင်တမရစတမ်း ကမာကောင်မွေးသူနောက် လိုက်သွားခဲ့တယ်။ ဒီလိုနဲ့ ရက်မှ လ၊ လမှ နှစ် အလီလီပြောင်းခဲ့တယ်။ သဲပွင့်လေးဟာ အခက်အခဲ၊ ဆင်းရဲဒုက္ခတွေကိုခံပြီး လှပလင်းလက်တဲ့ အဖိုးတန်ပုလဲတစ်လုံး ဖြစ်လာခဲ့တယ်။ သူ့ကို လှောင်ရယ်ခဲ့တဲ့သဲ...
Read more

ခြင်းတောင်းထဲက ကြက်

ခြင်းတောင်းထဲက ကြက်(ရုရှားပုံပြင်) တစ်ခါက ကြက်သတ်သမား တစ်ယောက်မှာ ကြက်ခြင်းကြီးတစ်ခု အကြီးကြီးပဲ ရှိသတဲ့။ အဲ့ဒီ ကြက်ခြင်း ထဲမှာ ကြက်တွေ အမြောက်အမြား ပြွတ်ကျိတ်နေအောင် ထည့်ထားတယ်။ ကြက်တစ်ကောင်ချင်း အသက်ရှူရခက်လောက်အောင် ဖြစ်ကြတယ်။ အထူးသဖြင့် အောက်မှာ ပိနေတဲ့ ကြက်တွေပဲ။ သူတို့တွေ အသက်ရှူရကျပ်တဲ့ အခါ၊ အပေါ်က ကြက်တွေကို ခေါင်းနဲ့ ထိုးဆိပ် တွန်းထုတ်ပြီး ခေါင်းဝင့်လို့ အသက်ရှူကြရတယ်။ ဒီကြားထဲ ကြက်တွေအားလုံးက မဝရေစာသာ စားထားကြရတာရယ်။ အဲ့အတွက် မွတ်သိပ်တဲ့ ဝေဒနာနဲ့ ဒေါသတွေက ကိုယ်စီရှိကြတယ်။ အဲ့လို တစ်ကောင့် ခန္ဓာကိုယ်ကို တစ်ကောင်နင်းရင်း ထိုးဆိတ်နေကြတဲ့ ကြားက ကြက်မတစ်ကောင်များ တွေ့မိရင်လည်း ဝိုင်းအုံလုနေကြပြန်ရော။ဒီလိုနဲ့ အဲ့ဒီ ကြက်ခြင်းကြီးထဲက ကြက်တွေဟာ အုတ်အော်သောင်းနင်း ဆူညံ ပွက်လော ရိုက်နေကြတော့တယ်။ အဲ့အချိန် ကြက်သတ်သမား ရောက်လာတယ်။ လက်နဲ့ နီးရာ တစ်ကောင်ချင်း စီကို နှိုက်၊ လည်ပင်းကနေကိုင်ပြီး ခြင်းထဲက ထုတ်သတ်တယ်။ တစ်ကောင်ချင်းစီ ထုတ်သတ်လိုက်၊ နားလိုက်၊ အေးအေးဆေးဆေး စိမ်ပြေနပြေပဲ။ ဓားနဲ့ ခုတ်ထစ်သတ်တာမို့ စင်လာတဲ့ သွေးစသွေးနတွေဟာ ကြက်ခြင်းပေါ်မှာ ပြန့်ကျဲနေကြတယ်။ ခဏနေ တစ်ကောင်ထုတ်၊ သတ်လိုက...
Read more